ភ្នំពេញ៖ នៅថ្ងៃអាទិត្យនេះ សហព័ន្ធកីឡាតេក្វាន់-ដូអាស៊ីបានតែងតាំងលោក កែវ រ៉េមី ជាប្រធានសហព័ន្ធកីឡាតេក្វាន់-ដូអាស៊ីអាគ្នេយ៍។ លោក កែវ រ៉េមី បច្ចុប្បន្ន ទទួលបានខ្សែក្រវាត់ខ្មៅកម្រិត៥ដាន់។
លោក កែវ រ៉េមី បានបញ្ចាក់ប្រាប់សារព័ត៌មានថ្មីៗនៅយប់ថ្ងៃអាទិត្យនេះថា កម្រិតខ្សែក្រវាត់ខ្មៅ៥ដាន់របស់លោកត្រូវបានចែកចេញជាពីរវគ្គ។ វគ្គទី១ លោកបានធ្វើការហ្វឹកហាត់នៅសហរដ្ឋអាមេរិក។ នៅទីនោះ លោកទទួលបានកម្រិត៣ដាន់ រីឯ ខ្សែក្រវាត់ខ្មៅកម្រិត៤ និង៥ដាន់ គឺលោកបានធ្វើការហ្វឹកហាត់នៅក្នុងប្រទេសកម្ពុជាដោយធ្វើតេសជាមួយគ្រូជនជាតិកូរ៉េ។ ខ្សែក្រវាត់កម្រិត៥ដាន់ដែលលោក កែវ រ៉េមី ទទួលបាននេះ គឺជាខ្សែក្រវាត់កីឡាតេក្វាន់-ដូ ប្រភេទប្រយុទ្ធ ពោល គឺមិនមែនខ្សែក្រវាត់កិត្តិយសនោះទេ។
ក្រៅពីតួនាទីនៅក្នុងវិស័យកីឡា លោក កែវ រ៉េមី មានតួនាទីជារដ្ឋលេខាធិការនៃទីស្តីការគណៈរដ្ឋមន្ត្រី និងជាប្រធានគណៈកម្មាធិការសិទ្ធិមនុស្សកម្ពុជាផងដែរ៕
ថ្មីៗ
អត្ថបទ : ថ្មីៗ
No comments:
Post a Comment