ស្វាយរៀង: លោកស្រី គង់ គីណា ប្រធានមន្ទីរសង្គមកិច្ច អតីតយុទ្ធជននិងយុវនីតិសម្បទា ខេត្តស្វាយរៀង បានរងចោទប្រកាន់ថា មានភាពមិនប្រក្រតី ក្នុងការជ្រើសរើស មន្ត្រីជាប់កិច្ចសន្យា និងក្រៅកិច្ចសន្យា ឲ្យចូលបំពេញការងារ ក្នុងក្របខ័ណ្ឌពេញសិទ្ធិ ចំនួន៤.០០០ដុល្លារ ក្នុងមួយនាក់។ ករណីនេះ ត្រូវបានប្តឹងចូលមក អង្គភាពប្រឆាំងអំពើពើពុករលួយ។
ពាក់ព័ន្ធករណីចោទប្រកាន់នេះ អង្គភាពប្រឆាំងអំពើពុករលួយ បានផ្សព្វផ្សាយថា ករណីប្តឹងចោទប្រកាន់លោកស្រី គង់ គីណា នោះ គឺអង្គភាពប្រឆាំងអំពើពុករលួយ បានទទួលពាក្យប្តឹង ចោទប្រកាន់ថា លោកស្រី គង់ គីណា អនុវត្តន៍មិនប្រក្រតី។ ជាមួយគ្នានោះ លោកស្រី គង់ គីណា បានធ្វើការបកស្រាយបំភ្លឺ ជូនអង្គភាពប្រឆាំងអំពើពុករលួយ ដោយបានលើកឡើងថា ការចោទប្រកាន់ទាំងនោះ គឺការមួលបង្កាច់ ខុសពីការពិត។
លោកស្រី បានបញ្ជាក់ថា ករណីទទួលប្រាក់ ចំនួន ៤.០០០ ដុល្លារ ក្នុងមួយនាក់ ជាថ្នូរនឹងការបញ្ចូលក្របខ័ណ្ឌ លោកស្រីបានបដិសេធថា ពុំពិតឡើយ ដោយ ដំណើរការ នៃការជ្រើសរើសមន្ត្រី ឲ្យចូលក្របខ័ណ្ឌពេញសិទ្ធិ មន្ទីរអនុវត្តត្រឹមត្រូវ តាមស្មារតីក្រសួងសង្គមកិច្ច អតីតយុវជន និងយុវនីតិសម្បទា ដោយជ្រើសរើសយក មន្ត្រីមានសមត្ថភាព តាមកម្រិតសញ្ញាបត្រ និងឧបនិស្ស័យ៕
CEN
ដោយ: ដាវុធ
No comments:
Post a Comment