កាលពីថ្ងៃ ទី 13 ខែ ធ្នូ ឆ្នាំ ២០១៦ ក្រុមហ៊ុន TKS Group ដែលជាក្រុមហ៊ុននាំចូល ផ្គត់ផ្គង់ឧបករណ៍ និងសម្ភារៈជាងសំណង់ កសិកម្ម ប្រកបដោយគុណភាពខ្ពស់ លើម៉ាក់ Makita, Maktec, Makasa និងផលិតផលល្បីៗជាច្រើនទៀតមកពីប្រទេសជប៉ុន បានបើក សម្ភោធអគារលក់ និងទីតាំងបង្ហាញរបស់ខ្លួនជាផ្លូវការ នៅក្នុងតំបន់ ទូលទំពូង លើមហាវិថី ម៉ៅសេទុង រាជធានីភ្នំពេញ។
លោក តេង គីសែ ស្ថាបនិក ក្រុមហ៊ុន TKS Group បានមានប្រសាសន៍ថា មូលហេតុដែលខ្ញុំចាប់យកមុខរបរនេះ ដោយសារសម្លឹងឃើញប្រទេសកម្ពុជា កំពុងតែអភិវឌ្ឍន៍ និងមានតម្រូវការខ្ពស់ លើផ្នែកសំណង់និងកសិកម្ម ដូច្នេះទើបខ្ញុំនាំចូលផលិតផល ដែលមានគុណភាពខ្ពស់ មកបម្រើតាមសេចក្តីត្រូវការ របស់ប្រជាជន។ ហើយការបើកអគារលក់ និងតាំងបង្ហាញផលិតផលថ្មីមួយទៀត នៅតំបន់ទួលទំពូងនេះលើមហាវិថីម៉ៅសេងទុង គឺដើម្បីផ្តល់ ភាពងាយស្រួល និងឆ្លើយតបតាមតម្រូវការកើន ឡើងរបស់អតិថិជនយើង។ លោក ក៏បានបន្តទៀតថា ទស្សនវិស័យ របស់ក្រុមហ៊ុនគឺ គុណភាព សេវាកម្ម និងភាពស្មោះត្រង់ នៃការទំនាក់ទំនងពាណិជ្ជកម្ម គឺជាទ្រឹស្តី ទស្សនវិជ្ជាដែលយើងប្រកាន់យក និងមកអនុវត្ត។ ទន្ទឹមនិងការរីកចម្រើននេះ ក្រុមហ៊ុន TKS Group នឹងបន្ត ប្តេជ្ញាចូលរួមធ្វើ ទំនើបភាវូនីយកម្មនៃវិស័យឧស្សាហកម្ម និងកសិកម្មនៅកម្ពុជា ជានិរន្តរ៍។
គួរបញ្ជក់ថា ក្រុមហ៊ុន TKS Group ចាប់ផ្តើមដំណើរការក្រោមទម្រង់ជាហាងលក់ដូរឈ្មោះ គី សែ នៅក្នុង ឆ្នាំ ១៩៩១។ បន្ទាប់មក នៅក្នុងឆ្នាំ ២០១២ ក្រុមហ៊ុនបានក្លាយជាអ្នកនាំចូលផ្លូវការ និងនាំមុខគេលើការផ្គត់ផ្គង់ ផលិតផលម៉ាក់ Makita ផលិតផលពិតៗ ពីប្រទេស ជប៉ុន មកកាន់កម្ពុជា។ នៅក្នុងរយៈពេល១០ឆ្នាំចុងក្រោយនេះ ក្រុមហ៊ុនបានពង្រីកទំនាក់ទំនង ពាណិជ្ជកម្មឥតឈប់ឈរ នៅទូទាំង២៥រាជធានីខេត្ត ពេញផ្ទៃប្រទេស បន្ទាប់មកក្រុមហ៊ុនបានបើកអគារលក់ និងតាំងបង្ហាញផលិតផលបង្ហាញផលិតផល ជាច្រើនកន្លែងជាបន្តបន្ទាប់រហូត មកដល់បច្ចុប្បន្ននេះ។
ថ្មីៗ
អត្ថបទ : ជី ដាណា
No comments:
Post a Comment