រដ្ឋាភិបាលចិន បានផ្តល់ជំនួនជាសម្ភារ ដល់គណៈកម្មការធិការជាតិរៀបចំការបោះឆ្នោត(គ.ជ.ប) ដើម្បីបម្រើដល់ដំណើរការបោះឆ្នោតនៅកម្ពុជា។ ជំនួយនេះ មានទឹកប្រាក់ប្រមាណ១៦លានដុល្លារអាមេរិក។
គ.ជ.ប នឹងរៀបចំពិធី ប្រគល់ និងទទួលសម្ភារ បម្រើដល់ដំណើរការបោះឆ្នោត ពីរដ្ឋាភិបាលចិននៅថ្ងៃទី២០ ខែធ្នូខាងមុខ។ បើតាមសេចក្តីជូនដំណឹងរបស់ គ.ជ.ប ពិធីនេះ នឹងធ្វើឡើងក្រោមវត្តមាន លោក ស៊ិក ប៊ុនហុក ប្រធានគ.ជ.ប និងលោក ស្យុង ព័រ(Xiong Bo) ឯកអគ្គរដ្ឋទូតចិនប្រចាំកម្ពុជា នៅឃ្លាំង គ.ជ.ប ស្ថិតនៅសង្កាត់គីឡូម៉ែត្រលេខ៦ ខណ្ឌឫស្សីកែវ។
លោក ហង្ស ពុទ្ធា អ្នកនាំពាក្យគ.ជ.ប បានថ្លែងប្រាប់សារព័ត៌មានថ្មីៗនៅថ្ងៃទី១៧ខែធ្នូនេះថា ជំនួយសម្ភារទាំងនេះ សរុបជាទឹកប្រាក់ប្រមាណ១៦លានដុល្លារ។ ជំនួយទាំងនោះ មានរថយន្ត ម៉ូតូ កុំព្យូទ័រ ទូរទស្សន៍ ឧបករណ៍ដំឡើងជាTV Conferecne និងសម្ភារការិយាល័យដូចជាតុ កៅអី ជាដើម សម្រាប់ស្នាក់ការ គ.ជ.ប នៅទូទាំង ២៥ រាជធានី-ខេត្ត។ នេះបើតាមអ្នកនាំពាក្យគ.ជ.ប៕
ថ្មីៗ
អត្ថបទ : ថ្មីៗ
No comments:
Post a Comment